【後生仔傾吓偈】馮盈盈流落荒島都要帶粉盒：怕素顏無人救

《後生仔傾吓偈》嘅話題真係多元化到不得了，最新一集以「流落荒島點算好」為題，眾人討論到會帶邊三樣隨身三寶、同帶咩人一齊流落荒島時，馮盈盈就話一定揀方力申，事關見佢之前環島泳游得咁厲害，有咩事都可以靠對方游離荒島。

至於隨身三寶，馮盈盈就話一定要有粉盒同潤唇膏，前者係因為有鏡可以做陽光折射，但重點都係可以補妝，因為佢怕萬一有船經過時，啲男人見到佢素顏而唔救，話曬都係港姐冠軍，俾啲信心自己好。至於潤唇膏，盈盈就話要保持潤濕，同埋聽聞可以搽傷口。
 

至於最後一寶，盈盈就拎出一塊衛生巾，無錯！只係得一塊，6號見到都忍唔住話:「你得一塊，真係要諗定邊個月用。」但估唔到盈盈竟然話:「用完可以重用，烘乾佢。」呢個原理係未同蒸口罩一樣？之後盈盈補充表示：「如果𠝹到流血的話，衛生巾可以用作敷料，我學急救時都話係咁，無紗布時用。」真係好有見地喎 !