【機場特警】大讚關禮傑超Man 劉溫馨直認過電：可惜佢結咗婚
撰文：吳子生
出版：更新：
劉溫馨（Lily）今日（26/4）現身電視城出席無綫劇集《機場特警》宣傳造勢活動。Lily大讚同劇演員關禮傑夠晒男人味：「我好鍾意好有男人味嘅男人，佢的而且確好吸引，不過好可惜佢已經結咗婚，所以我同佢就冇擦出愛嘅火花，不過講真拍攝嘅時侯都有被佢電親，因為佢吹住色士風真係好有型，因為我覺得識音樂又有才華嘅人，真係特別吸引到我，不過好可惜都宜家仲未識到，所以仲係單身。」
劉溫馨大讚關禮傑超有男人魅力，相當吸引。（陳順禎攝）
提起早前她在IG大晒男友視覺性感艷照驚為天人，令一眾網民大讚超性感。（被問到是否轉行性感路線？）Lily笑言：「其實嗰日我喺屋企實在太無聊，於是化個靚妝玩下自拍，隨意喺衣櫃度搵到嗰件黑色吊帶背心，心諗平時都冇乜機會著，就諗住一試，影完自己都覺得幾靚就Post上IG度同大家分享，其實我都估唔到有咁大回響，不過我仍會繼續分享我嘅日常趣事，嚟近夏天我都會游水，到時都會影下相分享畀大家睇。」
劉溫馨IG大晒性感吊帶背心，引起網上熱話。（IG@lau_wanhing）
+13