【開心速遞】被網民鬧演技差 陳浚霆宣戰：繼續鬧我就繼續做
撰文：吳子生
出版：更新：
陳浚霆今日（5/5）現身將軍澳電視城出席《愛·回家之開心速遞》之「報答好媽媽」宣傳造勢活動。浚霆闊別《愛》劇集多年再度登場，演回龍璟風「風少」這個角色，讓一眾視迷歡喜若狂，但亦有不少網民批評他演技太浮誇，講對白似朗誦，全靠母親拉關係先可回巢無綫拍劇，事件實在令人失望。
陳浚霆不介意被網民批評演技差，坦言只會越戰越勇。（葉志明攝）
浚霆表示：「自己都有睇到批評我演技差嘅留言，但亦有啲留言話我靠媽咪嘅關係先可以返到嚟無綫拍劇，其實成件事我媽咪都冇參與，明白每個人都有自己嘅發言權，始終佢哋在暗我在明，佢哋鍾意講咩就講咩，我係唔會理嘅，唔會受佢哋影響。」（有冇受到網民打擊？）浚霆霸氣回話：「我唔會受到你哋嘅打擊，你哋講多啲啦，我就繼續做俾你睇，你哋繼續鬧，我就繼續做！」
陳浚霆明白每個人都有權發言，但對於一些人身攻擊的任意批評，全不放在心裡。（葉志明攝）
+2