【暖男爸爸】鄭中基拍ViuTV劇唔怕得罪無綫:好耐冇喺TVB出現過!

撰文:吳子生
出版:更新:
《暖男爸爸》今日舉行記者會,主角鄭中基同張可頤及一眾演員出席。(葉志明攝)

以往曾為無綫拍劇和主持《美女廚房》的鄭中基(Ronald),今勻現身九龍灣出席由自己擔正主演的ViuTV全新劇集《暖男爸爸》記者會,有網民將他在劇中的暖爸角色,與舊愛楊千嬅在《多功能老婆》相提並論,Ronald就此接受《香港01》訪問時說:「我就唔比較得嘅,因為我完全冇睇過,所以冇得比較,其實都有人問我會唔會睇返?我話我都唔會睇返,唔想睇咗之後,怕會影響都自己演出,到時劇集出咗街之後,就由觀眾佢哋評價似唔似。」

鄭中基、張可頤及Crisel Consunji是新劇《暖男爸爸》的三位主角。(葉志明攝)

鄭中基寸爆TVB:好耐冇睇!

(拍ViuTV劇,怕唔怕無綫唔高興?)Ronald直言:「唔怕!你見我喺無綫幾多年冇出現過?我好耐冇喺無綫出現過喇。」(宜家有冇睇無綫劇集?)Ronald串爆話:「梗係冇啦!要睇我都係睇舊嗰啲啦!新嗰啲同舊嗰啲一樣,咁我不如睇返舊嗰啲啦,你宜家都係煮個麵我食,咁咪睇返舊嗰啲啦!況且舊嗰啲人我都識,睇落有啲親感親切咁添。」

你可能感興趣