【暖男爸爸】張可頤不怕得罪無綫 大讚ViuTV製作：好有新鮮感！
撰文：吳子生
出版：更新：
張可頤（Maggie）今日（8/5）現身九龍灣出席ViuTV新劇《暖男爸爸》記者會。Maggie透露在劇中飾演一名專業高級保險顧問，雖然與鄭中基有感情線，但親密場面就欠奉：「其實呢套劇集注重溫情同人性多啲，無論你一個人有幾堅強嘅時候，都會有軟弱嘅時候，套戲裏面每一個角色都好立體化，堅強嘅有一面，弱嘅又會有一面好都市化，我好相信大家睇完之後就會好有同感。」
Maggie幫ViuTV拍劇，坦言不怕無綫不高興。（葉志明攝）
問為何決定拍ViuTV劇集？Maggie直言：「最主要就係冇同ViuTV合作過啦，自己本身都有睇下佢啲劇集嘅，覺得佢哋好多時候畀到好多新鮮感，呢個係事實，況且近來社會氣氛又唔係咁好，可以拍一啲關於小朋友題材嘅故事，自己見到啲小朋友都會開心，所以答應咗。（幫ViuTV拍劇，會否怕無綫唔高興？）我諗唔會喇，我諗都係睇機緣啦！只要合作到，我都會考慮。」
張可頤在新劇《暖男爸爸》飾演一名專業高級保險顧問。（葉志明攝）