降魔的2.0|「女優」劉芷希嫁機師 棄幕前返大馬:之後再打算

撰文:
最後更新日期:

無綫劇集《降魔的2.0》中由劉芷希(Kimmy)飾演的日本AV女優「瑠佩悅子」在首集就出盡風頭,是繼劇集《黃金有罪》飾演「舞小姐」莫莉莉後又一經典演出。不過近日就傳出她不續約,返吉隆坡繼承父親的中藥批發生意,兼同拍拖3年的機師男友結婚做少奶奶。Kimmy接受《香港01》訪問時,就承認已經不續約TVB兼離港返回馬來西亞:「爸爸媽媽年齡都好大,想多啲時間陪屋企人。」

劉芷希(左下)在《黃金有罪》中飾演莫莉莉。(受訪者提供)

現年34歲的劉芷希(Kimmy )在2010年由營養師投身至模特兒界,其後更先後奪得了《馬來西亞國際模特兒大賽》冠軍、《中華小姐環球大賽》亞軍、「完美體態小姐」及「最高貴氣質小姐」、2017年《香港珠寶小姐》冠軍,17年年底更經朋友介紹加入TVB成為藝人,18年就開始參與劇集拍攝,《愛·回家之開心速遞》、特技人《救妻同學會》、《解決師》都有她的出現,其後在《黃金有罪》中飾演舞小姐「莫莉莉」和《降魔的2.0》中的「瑠佩悅子」更十分之搶鏡,在觀眾心中留下深刻印象。

劉芷希在《降魔的2.0》中飾演日本女優「瑠佩悅子」。(《降魔的2.0》截圖)

正值事業的「搏殺期」還得到公司重用,為何會選擇離巢返回馬來西亞呢?劉芷希回覆《香港01》時就說:「我一路都覺得自己好不孝!父母年齡都好大啦,屋企又有啲事,再加上呢個疫情,我自己都好耐冇見過佢哋啦。佢哋都好希望好希望我可以返去睇住個屋企,同埋我都想陪佢哋多啲。」不過她就表示這次回家並不是接手爸爸的中藥批發生意,也不是為了和男朋友結婚。

劉芷希(Kimmy )透露自己為了親人而要暫別香港。(受訪者提供)

雖然於事業起步期離開香港,但她也表示沒有因此而放棄追夢。她說:「我都好唔捨得你哋吖(觀眾同粉絲),我都冇諗過我呢啲Small Potato走都咁大反應,今日個電話就嚟俾人炸爆。其實屋企人都好希望我喺嗰邊可以穩定落嚟,因為呢個疫情,佢哋覺得我唔應該再嘥時間,事業嘅嘢唯有之後再打算,不過有電影或者電視劇同廣告搵我嘅話,我都會返嚟㗎!」言談之間對剛起步的演藝事業相當不捨,但又有點「身不由已」的意思。她還說:「既然決定咗,都唔諗咁多啦。」

劉芷希(Kimmy )有個拍拖三年的靚仔機師男朋友。(受訪者提供)

回到馬來西亞會結埋婚?她回答:「未住,不過父母催婚催得好緊要,幾拿前就已開始催我結婚,所以呢次就係返去交人,交畀嗲哋媽哋先,唔係男朋友。」男朋友是圈外人?她說:「佢同我一樣係大馬人,我嚟香港嗰時就開始Long-D啦,差唔多3,4年。」更表示她的男朋友十分開通,不會干涉她在幕前的性感演出。「佢細過我3年,知道她係做乜就唔會阻止我,但係屋企人反而就有少少介意同擔心。

+18
+17
+16


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。