蘇玉華潘燦良結束24年愛情長跑 5月初正式入紙註冊結婚

撰文:
最後更新日期:

恭喜恭喜﹗蘇玉華同潘燦良拍拖多年,終於傳來好消息!今日(12/5)有傳媒發現,他倆於本月初向婚姻註冊處入紙,登記註冊結婚,結束24年愛情長跑,踏入人生新階段!

蘇玉華同潘燦良終於正式入紙申請註冊結婚。(資料圖片)

現年52歲嘅蘇玉華當年喺同香港演藝學院讀書時,已經認識比自己年長一歲的「劇團王子」潘燦良,二人對演戲同樣投入,之後一齊加入香港話劇圈,近年仲經常喺舞台劇合作,包括成立劇場計劃「PROJECT ROUNDABOUT」,絕對是「金童玉女」。

潘燦良蘇玉華係舞台劇界金童玉女。(舞台劇《親親麗南》劇照)

潘燦良之前接受訪問時,直言「見蘇玉華如見陽光」,亦自覺:「我哋一凹一凸,我欣賞佢好有膽色,有時我都會畀人悲觀嘅感覺,但佢就係好樂觀嘅人,所以佢喺呢方面能夠影響到我。」多年來佢曾多次求婚,蘇玉華亦已經答應,但一直未正式「拉埋天窗」,當時她承認純粹因為太懶:「結婚嘅儀式係絕對可以做,不過或者我哋雙方都比較懶,我哋不時會想結婚,但隔一陣就會放低咗。加上我哋覺得依家狀況好好,大家都認定對方係餘下人生嘅另一半,對我嚟講佢已經係我嘅家人。」等咗咁多年終於等到佢地拉埋天窗,大家都紛紛送上祝福。

潘燦良之前接受訪問時,直言「見蘇玉華如見陽光」。(資料圖片)

+12
+12
+12


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。