傳屎萊姆勢力操控YouTuber界  譚杏藍坦言:若然知道亦唔會多講

撰文:吳子生
出版:更新:

譚杏藍(小花)今日(20/5)現身九展出席ViuTV音樂節目《Chill Club》記者會。對於近期有消息指,由屎萊姆為首的「屎家軍」,在香港YouTuber界擁有龐大勢力,幾乎壟斷整個香港網絡市場兼控制網絡輿論的短片,背後涉及龐大公司利益,對於一些「唔聽話」、「唔埋堆」的YouTuber都會一律封殺。

屎萊姆(圖左4)被指操控YouTube界!(IG/@slime3d)
小花直言工作繁忙,少理他人是是非非。(陳志嵐攝)

身為「YouTuber」網絡界紅人的小花對此接受《香港01》訪問時坦言:「其實大家都知有呢件事,但其實都係頭幾日,好真真正正嘅來龍去脈,大家都未太清楚,咁所以靜觀其變,因為我個人比較係與世無爭嘅個一群嘅人,其實我都睇到各方唔同嘅爭辯,咁自己盡量企喺中立嘅位置,睇下發生緊乜事,但係就算知道,我諗我亦唔會多講。」(覺得屎萊姆為人如何?)小花表示:「喺我同佢傾偈嘅時候,我覺得佢係一個好人嚟嘅,講真邊個同邊個嘅瓜葛,我真係好少理,因為自己真係唔係好得閒。」

慕容公子拍片揭YouTube界黑暗面!(IG/@moyung0924)

譚杏南表示自己公司對她的言論好放任:「公司對我嘅言論,好自由嘅,我鍾意講咩就講咩,我同屎萊姆認識嘅,(妳同佢熟絡嗎?)好難界定熟定唔熟喎?但我就係與世無爭嘅人嚟嘅,盡量企喺中立嘅位置,就算知道我都唔會多講喇。」

小花對於相關傳言,她表示靜觀其變,不作評論。(陳志嵐攝)