麥長青iPhone騙局官司仍未解決:飽受人情冷暖

撰文:鄺鈺瑩
出版:更新:
麥包為真人騷《中佬唔易做》做貸車司機。(陳順禎攝)

ViuTV真人騷《中佬唔易做》集敖嘉年、古明華、張松枝、麥長青、艾良以及袁富華,客串做餐茶廳雜工、油站職員、外賣員等工作。麥長青於節目中選擇了做GOGOVAN司機,他笑言比起做步兵送外賣,自己已經算輕鬆,不過問到賺幾多時,他透露其中一張訂單因為對方是行家加上失業,所以未有收取對方費用,至於另一訂單亦未有收費……「雖然係辛苦,但相對來說已經輕鬆,比上不足下下有餘,同埋做嘢唔好諗辛苦,如果你諗住係辛苦會好難做。」麥包最近與網上平台合作開Live Show,但他表示不會因而放棄演員身份,並希望人人有工開。「無工開點算?咪諗辦法囉。始終而家唔係一個人生活,自己唔食屋企人都要食,同埋唔好諗過去,以前點威點叻都已經係過去。」

受官司困擾的麥包,終獲對方還清白。(陳順禎攝)

提到老婆與朋友早年合資炒賣iPhone疑誤墮騙局,捲入被追債糾紛,麥包透露官司仍未判決,所以不便透露太多。「但多謝對方喺庭上還我清白,承認我唔係一個騙子。」至於工作方面,麥包指由一晚三劇到完全全嘢做,影響極大,此外,在官司期間,麥包亦飽受人情冷暖:「呢個世界不嬲都係咁,只不過你見晒未, 我自己亦都唔去諗,因為身邊仲有好多朋友支持,我一直覺得呢個世界無壞人,得正氣白天使,同以不同方法激勵你嘅黑天使。」