【中佬唔易做】綠葉王變抗疫商家 游飈慨嘆:成日被良心當狗肺

撰文:鄺鈺瑩
出版:更新:
52歲嘅游飈離開TVB後開始創業,他說如今算係養活到一家幾口。(影片截圖)

ViuTV新節目《中佬唔易做》搵嚟袁富華、古明華、張松枝、麥長青、敖嘉年及艾威6位資深演員,投身另一行業,首集講到麥包因為無其他工作經驗,所以只能靠朋友介紹,呢佢呢位朋友,原來係有「TVB御用爛仔」之稱嘅游飈。今年52歲嘅游飈,中三已經開始做臨時演員,到89年正式加入無綫,之不過多年來都係做閒角,曾在經典神劇《大時代》中一人分飾演三角。他曾透露喺無綫做足21年,到離巢時(2012年)人工都只係10,500元,連看更都比他高人工,公司知道佢有意過檔港視時,亦只係加300元挽留,不過他未有因而覺得無綫刻薄,因為沒人強迫演員簽約。

麥包搵游飈介紹好工(影片截圖)

為咗養家同搵食,游飈喺港視期間,開始成立自己嘅生意,與日本公司合作,主力負責做去甲醛工作,身為老闆嘅佢亦親自落手落腳做工程。近年游飈公司除VOtc甲醛工作外,亦獨家代理嘅抗菌產品水觸媒,有指之前疫情肆虐時,產品一度賣斷市,甚至被人炒高價錢。游飈接受《香港01》訪問時,指由新年至今雖然做唔停,但只可以用「穩定」去形容,生意並非賺到笑。「因為市場上太多臨臨種種嘅產品,而香港又唔似得台灣同日本咁普及,所以大家選擇時會亂。」他指自己6年前首次接觸水觸媒時,亦不相信其功效,直到使用後才瞓身經營,但他坦言呢盤生意「好X難做」,所以每次見客時都會非常用心講解。

游飈喺TVB做足廿幾年閒角。(影片截圖)

游飈說如今生意平穩,令他足以養活一家五口。「都叫供到層300幾呎嘅樓啦」但他坦言由於每年都要做到一定的生意額,所以壓力十分大,「我匿埋喊嗰陣你唔知啫,不時都會遇上拎個心出嚟俾人當狗肺。」由創業示今,游飈的公司只有6名員工,全部均屬兄弟班,雖然身為老闆,但仍要親自出面傾生意,他透露東南亞亦有其客戶。「有無吐氣揚眉感?有排都未到啦,真係唔易做。」對於近年不少綠葉王離開無綫,問游飈可會曾招攬他們做自己的員工?他說:「佢哋離開都一定係處心積慮,一定有自己嘅打算先咁做。TVB代遇差都唔係今日嘅事,但點解佢用咁低成本都可以請到咁多人?佢本事囉!我從來都唔會埋怨TVB ,仲好感恩,但當年實在係無辨法支撐生活先走,所以呢,一個願打一個願捱。」

游飈說水觸媒並非消毒,而係持續抗菌,由冷氣機、抽濕機到內衣、甚至寵物身上都可以使用,他表示由於疫情關係,加快推動了其事業。(FB圖片)
由於員工有限,所以游飈由傾生意到噴水觸媒都要一手包辨。(FB圖片)

點擊睇更多中佬精彩片段:

+21
你可能感興趣