那些我愛過的人│黃翠如被批演技差心情低落:覺得自己冇資格演戲

撰文:吳子生
出版:更新:

黃翠如繼《溏心風暴3》之後苦等三年,今年終於有新劇《那些我愛的人》上演,憑劇中方樂汶角色再度成為視迷焦點。過往她經常受到網民評擊木無表情演技差,但今次《那些我愛的人》飾演喪夫兼要獨力照顧兩個小朋友的媽媽,演技開始受到網民肯定,今日(18/6)翠如出席劇集宣傳時,就此接受《香港01》訪問,她坦言:「其實我哋做演員好多時,都要好接受有人鍾意你,亦有人唔鍾意你,其實呢兩年嚟我係有去進修演技,但無可否認人哋嘅批評,亦係俾我嘅一種動力。」

黃翠如經常受到網民批評演技差,她坦言會欣然接受。(陳順禎攝)

翠如又指過往很怕被人批評,常自責自己變得毫無自信心,反問自己是否有資格生存在演藝圈,「咁啱呢兩年經歷多長大咗,明白做我哋呢行個心要夠強,去接受晒所有人嘅嘅批評,所以對於一啲讚美就唔好驕傲,唔好嘅批評都唔好因為而自卑。」(李佳芯被飛由你頂上,怕唔怕人哋將你同佢嘅演技比較?)翠如坦言:「其實我好多時候演戲都係做後備,咁所以喺我嘅角度已經覺得好好,可以做後備,起碼都有工作做。(唔介意做後備?)我慣架啦!」而今次在《那些我愛過的人》不少觀眾留意到黃翠如用另一方式演繹,尤其將自己把聲壓低,她說:「因為同龍爺(林文龍)溝通過,呢個女人有咁嘅經歷,佢應該會比較沉實,所以想由聲線開始,所以講嘢比較慢同聲比較沉。」

李佳芯被飛,黃翠如臨危受命頂上,翠如笑言不介意做後備。(陳順禎攝)

點擊睇黃翠如林文龍精彩演出

+3
+3