陳山聰宣布仔仔Jaco出世　公開一家三口合照：希望你頂天立地

陳山聰2019年11月同拍拖5年嘅圈外女友Apple舉行婚禮，短短數月就造人成功，情人節山聰宣佈太太有喜，仲透露預產期喺暑假。

終於去到今日（5/7）下午5時許，陳山聰在個人IG上公布太太腹中塊肉已經出世，並留言謂：「人生馬拉松中最美麗的畫面，感恩」，之後山聰更寫了超多Hashtag，交代更多詳情，包括：「#daddy希望你成為一個充滿正能量健康快樂頂天立地的男子漢」、「#感謝豹哥嫂為Jaco改咗個咁cool嘅英文名」、「#陳山窿2.0」、「#父子」、「#感謝太太付出的一切」、「#母愛的偉大」。

另一個有趣之處，是山聰已為兒子開設個人IG帳戶，短短十數分鐘內已有100名追蹤者。