吳岱融開新劇感激觀眾支持:太太都讚我做得奸

撰文:
最後更新日期:

雖然《巨輪II》將於星期六播完,不過吳岱融氣勢依然強勁。(黃國立攝)

莊思敏(左)和李綺雯二人分別為新劇剪了短頭髮,更表示可以經常穿男裝。(黃國立攝)

這個星期最熱的絕對是「鷲哥」吳岱融,他今晚出席新劇《我瞞結婚了》煞科宴,依然是焦點。今日有報道拍得吳岱融的52歲太太鍾淑慧,融哥就說對於傳媒追訪感到意外,他說:「都估唔到有人會跟佢,其實佢都有興趣復出,不過要睇劇本,佢都有睇《巨輪II》,話我做得幾奸,自己冇諗過有咁大迴響,好多謝大家,嚟緊都有幾部戲接咗,嗰仔就唔知有冇興趣喇,我唔反對,但佢好文靜,所以未必啱佢。」

《我》劇亦有王卓淇演出,早前她與坤哥鬧出緋聞,更牽涉到龔嘉欣,今日她出席煞科時表示,事件已告一段落。她說:「其實件事好大誤會,不過現在都冇嘢啦,坤哥同我都有聯絡,叫我唔好太擔心,(佢唔認你做女友喎?)吓?咁佢真係唔係我男友痳,冇人同我拍拖而可以唔認我囉⋯⋯哈哈(咁有冇同龔嘉欣聯絡?)其實同佢唔認識,我諗大家都知係誤會啫。所以不太擔心。」

早前傳出王卓淇與坤哥拍拖兼被龔嘉欣騷擾,她表示沒有此事,亦強調與坤哥一直是朋友。(黃國立攝)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。