黃一山爆當年張衛健揾珍姐要求加人工:結果俾人雪藏半年

撰文:
最後更新日期:

「細龜」黃一山近年主力在內地發展,迷上玩社交軟件「抖音」的他不時都會拍片大爆曾和自己合作過藝人的料,繼早前他透露星爺周星馳的財政狀況和身家後,他又將張衛健擺上枱,大爆當年他離開TVB的原因以及最近動向!

黃一山今次爆料張衞健!(VCG)

黃一山一開始就講道自己與張衛健關係密切,自己亦習慣叫對方「健仔」。雖然是好友,但黃一山即爆出張衛健在1984年參加第3屆新秀歌唱大賽入行時,即講大話:「佢話佢係張國榮個表弟,一時之間就好多人關注佢,但後來就踢爆原來佢只係認識張國榮,雖然張國榮真係同佢係好朋友,但人哋就覺得質疑,呢個係一個誠信嘅問題,你明明唔係親戚,點解要話係張國榮表弟呢?就等於用我哋嘅感情去棒紅自己,於是佢攞咗冠軍都跌返落嚟。」

指張衞健為了捧紅自己,欺騙別人。(影片截圖)

張衞健曾有送張國榮最後一程。(VCG)

之後,黃一山又繼續爆料指張衛健在拍攝台慶劇《西遊記》飾演「孫悟空」一角爆紅後,被TVB邀請拍攝續集:「張衛健就話拍孫悟空好辛苦,問可唔可以加人工,當時同佢傾嘅就係TVB高層珍姐(曾勵珍),珍姐就話我哋TVB唔會加你人工,捧紅咗你,你已經得到你需要嘅嘢,加少少冇問題,但你嘅加價咁高,呢個要求我哋做唔到。」據傳,張衛健當時一集收入只有3000元,比《西遊記》另一主角江華的收入差距約6倍。最後,高層更不讓張衛健拍攝續集,改用當時仍為新人的陳浩民。

張衛健在2017年回巢TVB拍台慶劇,重提舊事珍姐感動到喊。(VCG)

點撃下圖重溫影片完整內容!

+28
+28
+28

黃一山又講道其實張衛健並不計較金錢,更透露半個前曾與他通電話並邀請他到石家庄做房地產樓盤儀式,他指張衛健稱要留港照顧母親而拒絕:「佢為咗屋企人,真係有錢都唔賺。」

張衛健相當孝順!(VCG)

同場加映:張衛健愛妻張茜過闊太生活 46歲逆齡生長無懼曬素顏如少女

+28
+28
+28


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。