【殺手】龔嘉欣黎耀祥互笠高帽 視帝大讚:眼見最搏命嘅女演員

撰文:洪曉璇
出版:更新:
女殺手顛覆龔嘉欣過去形象。(《殺手》劇照)

TVB劇集《殺手》中,飾演閻武嘅黎耀祥同Dark Angel龔嘉欣有唔少埋身肉搏戲份,早前龔嘉欣更向祥仔「挑機」,參與競技射擊運動,大鬥槍法,實行由戲內鬥到戲外!祥仔與龔嘉欣透過三個回合作比併,最終嘉欣勝出祥仔須接受大懲罰,當成活靶任射唔嬲。

比試之前黎耀祥盡顯紳士風度:「嘉欣,你想我開槍打你邊度?」龔嘉欣聞言即答道:「打我最大嘅地方⋯⋯我對眼。」

事後,二人都表示係首次參與競技射擊運動,大讚刺激好玩,祥仔笑言:「見啲靶被打到瞓低晒,感覺到同靶之間有交流,所以玩呢個活動好有滿足感,加上揸起槍好有型,自己從來未試過咁有型。」至於獲勝嘅龔嘉欣自爆有遠視:「沒有想過會贏,平時掟飛鏢都唔會掟中個靶,以為玩競技射擊運動對女仔會難啲,但原來一啲都唔難。」

龔嘉欣自爆有遠視:「沒有想過會贏,平時掟飛鏢都唔會掟中個靶,以為玩競技射擊運動對女仔會難啲,但原來一啲都唔難。」

提到喺《殺手》中首次合作,祥仔嘉欣即互笠高帽,龔嘉欣話:「如果退休前未同祥哥(黎耀祥)合作到的話,絕對係遺憾。開頭未認識祥哥,以為對方好Cool,但合作過程發覺祥哥好照顧後輩,而且仲好專業,記得有場戲祥哥拍到身水身汗、膝頭都腫晒,我就等埋位食緊薯條,見祥哥一句怨言都冇,坐埋一邊飲水,印象好深刻。」祥仔大讚嘉欣係佢眼見最搏命嘅女演員,在拍攝過程中鮮有用替身,令佢非常佩服。

祥仔大讚嘉欣係佢眼見最搏命嘅女演員,在拍攝過程中鮮有用替身,令佢非常佩服。
+14