【港姐2020】被指蒲精醉酒任人摸  陳楨怡:我係非常自律嘅人

撰文:吳子生
出版:更新:

港姐入圍佳麗「翻版金宇彬」陳楨怡(Celina)昨晚(1/8)現身電視城出席《2020年香港小姐競選我和港姐有個約會網上直播》。早前有讀者向《香港01》爆料指陳楨怡在英國讀書時長期「收兵」,亦經常喜愛夜蒲落夜店媾仔。醉酒時會同人攬攬錫錫,更任意被對方撫摸私人部位,大膽程度令人咋舌。

對於負面報道,陳楨怡直言睇過後便一笑置之。(葉志明攝)

就以上指控,陳楨怡接受《香港01》訪問大平反話:「其實我都有留意相關報道,不過唔真實嘅報道,所以我都冇話特別介意,只係一笑置之。況且我喺英國讀建築嘅時候,讀建築嘅朋友都知道課程係好緊湊,所以絕對冇呢個時間去夜蒲,話我醉酒同人有親密行為,呢個唔係事實,認識我嘅人都知我唔好飲酒,同埋對酒精都有少少敏感,所以我係一個非常自律嘅人,呢啲咁隨便嘅行為,絕對唔會發生喺我身上。(有人話你係拜金女?)呢個唔係事實嚟,我係一個比較注重感情多過金錢上嘅人。(怕唔怕再被爆黑歷史?)其實呢啲都唔擔心。」

陳楨怡澄清自己不是「拜金女」,直言自己注重感情多過金錢的人。(葉志明攝)
+1