ViuTV嘅《初度遊》搵嚟三位男素人獻出佢哋嘅第一次旅行，無論係單親家庭嘅阿楓、抑或年過70嘅洪叔都充滿溫情，唔少網民都大讚節目製作用心，直到最近一集嘅30歲港男Tony，於大板青年旅舍因感到淒涼同危險而崩潰喊爆，引發不少網民討論，直指Tony係溫室長大嘅小baby，行為丟架等等，負評如潮。

身為節目監製嘅周雅霏(Faye)，其實本身係一名旅遊達人，由nowTV嘅《霏雲闖蕩》、到ViuTV嘅《阿美利堅有外星人》、《婚姻五重奏》都係其作品，周雅霏接受《香港01》訪問時，對於Tony崩潰喊爆一事，她說：「因為佢住完京都民宿之後好想再住，所以先幫佢喺大板再book。拍嗰陣因為地方淺窄，所以得攝影師跟上房，打算拍完收工，點知攝影師突然打比我話唔係好掂，叫我上去睇睇，坦白講其實當下真係有少少嬲，但後來佢有講返自己嘅故事，呢個下集會播。」

對於Tony引來網民批評，周雅霏表示有少少戥對方不值，希望下集節目出街後能為他平反。「自己都估唔到會有咁多負評，所以好擔心佢會受到網絡欺凌，但反而Tony同我講，話睇到新聞、評論，希望無影響到節目。其實我都希望佢嘅第一次外遊係開心，所以行程上都會俾啲意見佢。但或者係因為佢唔知京都同大板嘅民宿分別都可以好大，所以先會喊。」周雅霏笑言當初籌備節目時，都曾擔心搵唔到「目標」，畢竟香港人熱愛旅遊，加上以素人做主角，連佢自己都擔心會十分沉悶。她又指希望透過可令大家明白旅行並不一定是吃喝玩樂，就好似節目第一位主角阿楓，去的雖然只係越南，但因為與媽媽同行，所以充滿了關愛。

同場加映：30歲港男Tony第一次

再加映：Faye如何享受生活