聞好友楊明涉醉駕「炒車」被捕 張振朗大表震驚:揸車就唔好飲酒

撰文:
最後更新日期:

張振朗今日(8/8)現身電視城出席無綫新劇《反黑路人甲》宣傳活動。振朗表示在劇中演一名警方資深臥底,與王浩信聯手滲入黑幫社團搜集證據,「今次我同浩信係第二次合作拍劇,火花同默契係依舊,我哋拍嘅時候,會你一句我一句接住落,仲會有時會爆肚,而我又係最唔忍得笑嗰個,仲會笑咗出嚟,不過監製都會照收貨。」

張振朗表示揸車當然唔好飲酒。(葉志明攝)

提到好友楊明今日凌晨涉嫌醉駕「自炒」被捕,張振朗表示:「我睇到相關報導嘅時候,真係好震驚估唔到,我覺得最緊要係佢個人冇事,有啲咩嘢都係等佢回答。(有冇聯絡問候佢?)我諗呢段時間等佢處理晒佢自己嘅嘢先,咁之後其他嘢先後再算。(案發前有冇見過面?)呢個就冇,因為我都好耐冇返公司。(最近見面係幾時?)都成個幾月前。(你飲唔飲酒?)我唔飲酒。(應酬難免有酒落肚,酒後會否揸車?)當然揸車就唔好飲酒啦!」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。