本週Jer住你|吳彥祖揭霆鋒家中開牌局 個個嘈大交:栢芝喺度…

撰文:秦志鴻
出版:更新:

近日吳彥祖(Daniel)在Jerald的節目《本週Jer住你》受訪時除了分享了很多香港和美國影視業界生態的差異之外,亦談論到二人相識的經過,而且記憶猶新,因為當時的情況實在太混亂,事隔多年回想,當時的畫面更非常有趣!

Daniel提到與Jerald的初次見面是在謝霆鋒家中:「我嚟到嘅時候,當時我只知道佢兩個(郭偉亮(Eric)同馮德倫(Stephen))喺度嗌交,以為係講笑嘅,但發展到一個地步係冇人覺得舒服。」然後Jerald還補充,其實Eric和Stephen正在討論啤牌的規矩,仔細到連爭論話題是「蛇食三條」定「三條食蛇」,Jerald也歷歷在目,記得期間還有人突然發癲,Daniel說:「好似係Eric不斷喺度講笑講笑,然後Stephen突然爆,我識佢咁多年我冇見佢係咁,所以我都好愕然,我以為係假嘅添,我以為係玩吓,但我見到佢手震先知係真。」然後霆鋒又加入「戰團」,嘗試以更強的怒氣去制止二人繼續爭論,Jerald覆述:「你係我兄弟,你又係我兄弟,唔好X嘈喇得唔得呀!」總之,場面一片混亂,而Daniel與Jerald一臉愕然。

Daniel話自己唔知發生緊咩事。(截圖)

但原來Daniel一到步見到有人鬧緊交,有人發癲,場面一片混亂都已經未算出奇,回想最有趣的畫面,依然落在張栢芝身上,一提到栢芝,Jerald未聽時已不忍掩嘴狂笑,Daniel憶述:「跟住仲有一樣嘢係,喺個畫面入面有栢芝喺度,你記唔記得阿霆鋒有啲詠春嘅嘢喺側邊,我記得佢哋嗌緊交嘅時候,Ceci就喺度練緊詠春,我當時真係覺得好奇怪,唔知發生緊咩事,個個人都鬧緊交,但栢芝喺度打緊詠春個木人樁,我同你好似係唯一正常嘅人。」

謝霆鋒與張栢芝於2006年結婚,2011年離婚,Jerald表示當日的「牌局」發生於2006年過年。(視覺中國)
+12

吳彥祖仲有提到自己砌車嘅心得,重溫吳彥祖自砌「短刀」的相:

+30