【愛回家】細龍太形象差被Foul走? 陳偉琪:幾個月冇喺TVB開工

撰文:
最後更新日期:

無綫(TVB)處境喜劇《愛.回家之開心速遞》「細龍生」、「細龍太」的感情線一直深受觀眾歡迎,惟飾演「細龍太」的陳偉琪(Vicky)最近被安排遠飛美國,暫別《愛.回家》劇組。有報道便指出原因是TVB覺得外國長大的陳偉琪負面新聞多多,去年10月就曾因酒後駕駛被捕,今年又被拍到疑似背住男友與外籍男士夜店親熱,多次出事仍依然故我,所以決定將她Foul出劇組,將其放入「雪櫃」投閒置散。

「細龍太」陳偉琪和「細龍生」鄭世豪的感情線深受觀眾關注。(電視截圖)

陳偉琪今日(13/8)接受《香港01》訪問時,便承認幾個月沒有在TVB開工,她指是因為角色和劇情的問題,所以近月才沒有出演劇集。問到「細龍太」幾時復出,以及無綫有否其他工作安排時,她答謂:「唔知呀!一切等公司安排。」至於近況,她便指自己近日主力做時尚美容博客,拍片售賣美容產品,又透露未來會有新的發展:「遲啲再話畀大家聽!」

點擊下圖睇更多Vicky嘅靚相︰

+51
+51
+51

至於「細龍生」鄭世豪則認為是自己新歌《只准許你話我是傻》的MV情節令觀眾誤會:「劇情上佢不敢見我,(意思是)暫時離開啫,可能大家係咪見我出咗首歌講我倆一直以來嘅呢段感情,所以誤會咗啊?」又指需要問劇組才知「細龍太」暫時淡出的原因。

至於「細龍太」淡出有否變相令其戲份減少,鄭世豪坦言變動不大,仍然是集中在「接龍集團各人嘅搞笑爭鬥」裏面:「一如以往,雖然暫時冇愛情,但仍有親情和友情。」他又笑指自己對「細龍太」的愛永不磨滅:「大家可以睇住MV ,掛住我倆一陣先。」

「細龍生」鄭世豪認為是新歌《只准許你話我是傻》配合MV推出才導致有誤會出現。(vthechan@Instagram)

至於《愛.回家》監製林建祥回應時便指,「細龍太」只是劇情需要而暫時消失:「間唔中都會講下邊個會去哈爾濱呀,嗰個又會去下古里梧島呀,咁應該冇乜嘢就會出返嚟㗎喇!」又指「細龍太」因為覺得對不起「細龍生」,所以才「避開一陣」,「諗通咗應該就會返嚟」。

觀眾非常喜愛「細龍生」和「細龍太」這對螢幕情侶。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。