港姐2020│賴琦媛負面新聞多疑被佳麗排斥：私底下我哋互相打氣
撰文：吳子生
出版：更新：
港姐候選佳麗賴琦媛（Ivy）今日（13/8）一身Deep V性感晚裝現身電視城拍攝港姐宣傳。Ivy直言：「其實呢次係我第一次著得咗低胸嘅衫，最緊要多謝設計師啦，令我襯得起呢件衫，能夠特顯到套衫嘅特性。」（未埋位見你同其他佳麗冇偈傾？是否俾人排斥？）Ivy表示：「唉，我覺得冇，其實你見我而家個口罩其實都防唔到，都包唔晒，所以我盡量小啲講嘢囉，安全至上。」（佢哋個個好合群喎，對比你好獨家村！）Ivy笑言：「冇，我同其他佳麗相處得好開心，私底下我哋都會互相打氣。」
賴琦媛等埋位期間，同其他佳麗零交流，受負面新聞纏身疑被排斥。(藍色箭嘴指。吳子生攝）
賴琦媛同其他佳麗零交流，她解釋全因為口罩保護性不足，所以自我隔離。（陳順禎攝）