蔣怡收情侶戒賀相愛廿年 爆翁狄森有「社交強迫症」：會不停講嘢
撰文：吳子生
出版：更新：
今日（19/8）蔣怡（CoCo）與珠寶設計師老公翁狄森（Dickson）為旗下珠寶鑽飾品牌舉行發佈會，並於七夕當日（25/8）推出全新七巧板系列作品，慶祝二人相愛二十週年紀念。Dickson向來有愛妻號之稱，原定計劃下月大搞同太太相識紀念日，但因疫情嚴峻被迫取消，Dickson就話：「其實對我嚟講仲好，仲可以靜靜地寫我本書，呢本書我經已寫咗五年，可以趁呢個疫情俾我寫埋公司二十週年嘅紀念冊。」
CoCo手上鑽飾設計精湛，手工細緻。（陳順禎攝）
提起同老公相處之道，CoCo大讚他擁有藝術家性格，特別好易湊，她說：「佢唔百厭，佢平時都係做返自己，做返一個好悶嘅藝術家囉。但身邊啲朋友就會覺得佢好得意，估佢唔到喎，但其實佢又唔靜㗎，我成日都話佢有『社交強迫症』，因為佢對住啲朋友嘅時候，會不停講嘢，有時候講到人哋冇時間食飯，我就會制止佢，叫佢好俾人食飯，唔好再講喇，哈哈！」
Dickson為紀念同太太CoCo相識二十週年，特別設計出一系以七功板為靈感珠寶鑽飾。（陳順禎攝）
CoCo大爆老公有「社交強迫症」，個性健談。（陳順禎攝）
+3