港姐2020| 侯嘉欣「利誘」疑受拉票風波拖累遭淘汰：只不過係十蚊
撰文：吳子生
出版：更新：
無綫今日（17/8）於電視城舉行《2020年香港小姐競選》記者會，並公布成功晉級12位佳麗名單。港姐大熱之一侯嘉欣疑因早前捲入群組發紅包「利誘」拉票負面新聞拖累，慘遭被淘汰出局。賽後侯嘉欣聲淚俱下接受《香港01》訪問時表示：「其實群組的而且確係有我媽咪喺度，而媽咪認識嘅朋友只有十幾個人，其餘大部分人都係朋友嘅朋友，其實媽咪一開始嘅目的都係想幫個女打氣，但有人可能過度熱情發紅包，所以表現咗呢一幕出咗嚟，所以被人誤會咗。」
（誰人發紅包？）嘉欣直言：「係我媽咪朋友發嘅，其實佢哋發咗都只不過係十蚊，其實佢哋本身唔係話因為某啲目得性而去做，全部都係非目的性，只係幾個阿姨喺度for fun 。（受事件拖累，有否感委屈？）我會覺得可惜，冇計命運嚟，我諗媽咪傷心過我。（日後計劃如何？）暫時去食吓嘢先，因為呢排食嘢食得少！」
侯嘉欣等待揭曉一刻心情沈重。（陳順禎攝）
結果被踢出局，侯嘉欣心情難過。（陳順禎攝）
港組大熱之一侯嘉欣疑受負面新聞拖累，慘遭被淘汰，心情難過。（陳順禎攝）
+2