艾威與結婚18年太太Lisa離婚 曾經歷生死終無法白頭到老
撰文：洪曉璇
出版：更新：
艾威自從離開TVB後工作不斷，事業順景但估唔到愛情路遇上波折。仍同圈外太太LISA結婚18年，曾一齊面對太太多次大手術共患難，可惜未能攜手走到終點，呢日傳出佢地數月前決定離婚，令人惋惜。艾威接受《香港01》訪問時透露去年10月決定離婚：「經一番遷就之後，仍未能步伐一致。」
艾威同太太LISA結婚18年，一直係圈中模範夫妻。（網上圖片）
現年61歲嘅艾威同Lisa拍拖多年，2002年結婚。2012年艾威離開TVB轉投HKTV，可惜遇上發牌問題，面臨失業，2014年太太LISA更診斷出子宮有個巨型腫瘤，艾威花光積蓄醫治太太，做手術切除14磅子宮瘤，以及應付3次大手術。
艾威同LISA曾一同接受VIUTV主持羅沛琪訪問。（FACEBOOK圖片）
一齊經歷過生關死劫近年生活轉趨平淡，有報導指艾威數月前賣出西貢愛巢，佢同LISA亦分別搬到唔同地方重過新生活，佢地嘅朋友亦指多月未見二人一同出現，艾威嘅社交網站近月亦只分享同愛犬嘅日常照，未見LISA蹤影。艾威接受《香港01》訪問時表示：「已是去年十月時的決定，相信我們相方都需一段頗長時間才可平復心情。婚姻猶如二人共舞，若非一拍即合，便須互相遷就去配合，但倘若經一番遷就之後，仍未能步伐一致，必然出現踐踏或跘跌情況，終舞，是唯一解決辦法。」
近月艾威都只分享愛犬生活照。（FACEBOOK：@艾威AI WAI）
+19