【幕後玩家】劉佩玥變最強小三：現實中接受唔到婚外情
撰文：郭敏玲
出版：更新：
劉佩玥今日以一身長髮紫唇示人，鬼火咁正。（郭敏玲攝）
劉佩玥（阿Moon）今日做隻索鬼，以一身長髮紫唇造型出席《幕後玩家》萬聖節宣傳活動。劇集剛播出一個星期，大多數亮點都在阿Moon的角色身上。除了大讚她與Bosco的調情好睇之外，有網民更將她與同屆港姐出身的陳凱琳比較，指她現已上位。阿Moon聞言便說：「橙與蘋果不能就此比較，對彼此都很不公平。我覺得係當下結果先會有咁嘅講法啫，但呢一行就好似馬拉松，我哋大家都係要繼續努力。（怕唔怕咁比較會尷尬？）唔會，我哋依然好Friend，因為一直都會互相鼓勵，而我哋做嘅嘢不盡相同，比較真唔太公平。」
提到阿Moon變成最新的「最強小三」，她就好慶幸觀眾對她的印象沒有太差，也不怕被標籤，「我好多謝觀眾會明白小三只是個角色，亦都會知道我原來可以做一些顛覆以前所做的角色，會很不一樣。」至於有網民覺得阿Moon做小三好正，更話「好想同阿Moon有婚外情」，阿Moon笑言：「咁就好唔要得啦，我呢個角色都想話畀大家知做小三唔容易，現實中嘅我都係接受唔到。」
劉佩玥在新劇《幕後玩家》飾演小三Emma，跟黃宗澤有不倫關係。