百萬富翁︱陳芷菁答錯問題「悲劇」 陳啟泰爆真相:戲劇效果

撰文:
最後更新日期:

講到香港電視史上尷尬經典時刻,一定要數亞視節目《百萬富翁》這一幕:當時主持人陳啟泰問:「以下那部不是莎士比亞四大悲劇之一? A.李爾王,B.奧賽羅,C.哈姆雷特,D.羅密歐與茱麗葉。」而陳芷菁自信心爆棚咁話:「我知,B啱架喇,我讀Drama㗎」,而旁邊隊友鄧光榮聽罷亦表現信心十足,以為答中,但結果當然是錯啦!呢一幕「老尷」場面亦成為一時熱話。

【百萬富翁】陳芷菁重提當年答錯瘀事:從此唔再參加任何問答比賽

陳啟泰有意再搞《百萬富翁》相關類型節目製作。(陳順禎攝)

陳啟泰昨晚(25/8)現身無綫電視城,出席音樂節目《流行經典五十年》錄影期間接受《香港01》訪問重提往事說,「其實我同芷菁熟都不得了,以前同佢喺TVB做《K-100》已經好熟,其實而家講返真係有啲唔好意思,因為《百幕富翁》有個元素就係,如果有啲人早啲撻死係好好睇,有啲人攞百萬走又好睇,會有個喜劇效果。其實嗰個係明星版,咁所以點都會有少少提水嘅機制嘅,而當時監製又話唔可以嗰個攞幾廿萬及一百萬走㗎,而咁啱輪到有個要早啲foul佢出局嘅,而咁啱唔好彩又輪到芷菁同鄧光榮大哥,所以冇提水咁多,咁所以我要對兩位講聲唔好意思!」而該集除了陳芷菁之外,亦有已故著名音樂家黃霑,他在節目中同馮寶寶一隊,二人奪得100萬獎金。


點擊逐格睇《百萬富翁》陳芷菁答題目

+11
+11
+11

陳啟泰透露現在自由身,未有簽約其他經理人公司。(陳順禎攝)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。