【港姐2020】鄺美璇奪「友誼小姐」 三甲不入魔咒附身：唔擔心
撰文：吳子生
出版：更新：
《2020香港小姐競選》十位候選佳麗今日（28/8）於電視城現場互選心目中的「友誼小姐」，經過一輪投票後，由「翻版廖碧兒」5號佳麗鄺美璇（Maisie)先拔頭籌奪得。賽後Maisie接受《香港01》訪問時，被問到台上笑容欠奉，她說：「其實今朝我比較攰，但真係冇諗過會係自己，不過當大會宣布我得獎嘅時候，我真係醒一醒咗。」
Maisie笑言賽事完結後，要大吃一餐。（葉志明攝）
數據顯示，過往候選佳麗先拔頭籌奪取友誼小姐獎項後，多數都未能躋身三甲之內，未知Maisie能否打破這宿命。 Maisie坦言：「我唔會擔心，其實我攞咗呢個獎我已經贏咗，對屋企人已經有所交代，而嗰晚決賽，我邀請咗媽咪同家姐到現場為我打氣，嗰晚我都會盡我能力表演最好一面俾大家睇。」
Maisie狀態大勇表現出色，奪取友誼小姐獎項實至名歸。（葉志明攝）