徐榮送13歲大仔去英國讀書追足球夢：佢細細個就想做足球員
相信不少在香港長大的男孩子都幻想過以足球員成為自己的夢想，最好是去英國，如果踢英超更好，但大家都知道這簡直是不可實現的夢想。不過徐榮13歲兒子徐朗（Karson）前晚（31日）離港，起程到英國升學兼追足球夢。廿四孝爸爸徐榮當然要送愛子到機場，他希望能幫兒子完成夢想，他接受《香港01》訪問說：「個仔幾歲嗰陣已同我講，好鍾意踢波，好想第時大過做足球員。我嗰陣就同老婆開始計劃點幫個仔。」可能有人覺得「梗係幫個仔儲首期啦」，但徐榮覺得小朋友追夢更重要，他說：「首期等佢第時讀完書靠自己啦，但夢想我哋做父母幫得幾多就幾多。」
《反黑路人甲》徐榮在劇中飾演反派，劇中為做坐館不擇手段，但現實中的他是位暖男爸爸，日前他和太太到機場為兒子Karson送行，兒子將會到英國讀書兼嘗試在當地發展職業足球員的夢想。雖然幫兒子追夢聽落很浪漫，但徐榮同太太計劃得很仔細，希望囝囝追夢之餘亦兼顧學業，他說：「暫時去2-3年，要睇踢波情況可唔可以入到球會。如果順利入到就會繼續，入唔到就轉去澳洲完成學業。」仔仔要離開身邊，縱然是一直以來的計劃，不過看到他獨自入閘，身為爸爸的徐榮亦大為感動：「係一路嘅計劃，入閘嗰下佢自己行入去，佢未試過自己一個搭飛機，有啲感動、有啲唔捨得，鐵漢柔情就冇。」
徐榮笑言仔仔追夢同時亦是幫自己完成夢想，之不過這個足球夢卻一點也不便宜，他坦言用了6位數字：「好揦脷，大約6位數中間。佢細細個就想做足球員，我哋一直幫緊佢行足球員呢條路，畀佢嘅配套都係For佢做運動員、踢波。佢唔只踢波，學校有其他嘢學，有學術嘢，之不過重心擺喺體育，主要試下足球，唔得先再轉第二啲嘢。佢幾歲就有呢個打算，一路有個教育基金，有儲錢，所以冇咩影響。」
仔仔已安全到達英國，徐榮太太也有在IG上載一家人的溫馨合照，並留言寫道：「哥哥大個仔啦，第一次自己坐飛機，為自己由細到大的夢想出發。雖然好唔捨得但係都要學識放手畀你自己學習獨立，臨上機哥哥叫我放心佢自己會照顧好自己。啱啱收到你電話知你平安到達，順利過關攞齊行李，安心晒。好好享受學校生活，加油哥哥！Love you」。