【多圖】孫儷學霸妹妹孫艷樣貌清純 原來仲演過《甄嬛傳》﹗

撰文:
最後更新日期:

孫儷與鄧超經常跟網民分享家庭生活點滴。(微博@turbosun)

9月26日就踏入38歲嘅孫儷,不時分享同鄧超以及一對仔女生活點滴。而且佢對家人相當上心,特別係同父異母妹妹孫艷,更加係照顧有加,多套主演作品都推薦妹妹參演一角﹗19歲嘅孫艷同姐姐神態相當似,而且仲係學霸,考入北京電影學院表演專業,星途無可限量。

孫儷同孫艷神態好似,好有姐妹相。(孫儷微博)

孫儷相當疼錫同父異母妹妹孫艷。(孫儷微博)

孫艷係孫儷同父異母妹妹,孫儷父母於1995年離婚,此後孫儷一直跟着母親生活,而父親則在幾年之後再婚,並生下孫艷。雖然佢地唔係一齊生活,但孫儷一向對妹妹照顧有加,只要到上海工作一定同孫艷見面。19歲嘅孫艷成績一向出眾,高考成績剛出爐,考獲上海表演統考第6名,北京電影學院表演專業第21名。

孫艷樣貌清秀。(孫艷微博)

除咗成績好,孫儷不時為妹妹爭取實戰演出機會,好似《甄嬛傳》中孫艷飾演孫儷戲中親妹甄玉嬈一角,當時只有8, 9歲嘅孫艷仲有嬰兒肥。到今年初熱播劇集《安家》,孫儷劇中少女版正正就推薦孫艷演出,仲發微博話:「當我看到劇本裡需要演房似錦的少女時期,想想還有誰,會比此少女更合適的呢?必須是我妹妹孫艷呀﹗」睇怕孫艷好快會出道,到時唔知會唔會姐妹檔拍攝呢?

當年孫儷推薦孫艷飾演《甄嬛傳》戲中親妹甄玉嬈一角。(網上圖片)

孫儷推薦孫艷飾演劇集《安家》中自己嘅少女版。(孫儷微博)

+21
+21
+21


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。