「御用宮女」張韋怡入稟告姑仔誹謗 指言論令其小產並要睇精神科

撰文:洪曉璇
出版:更新:
張韋怡與Gallardo Poon育有一子。(IG:@gogocheungcwy)

有TVB御用宮女之稱嘅2007落選港姐張韋怡(Gogo),現實中家住8000呎有私人電梯嘅獨立屋,手戴70萬名錶出入,同經營8位數字鐘錶生意嘅Gallardo Poon育有一子。早前佢自爆原來一直未婚,係對「有實無名」夫妻。而佢同姑仔關係亦相當惡劣,呢日張韋怡入稟高等法院控告姑仔誹謗。

今年6月尾,張韋怡姑仔潘碧玉在社交網發長文,指名道姓直指阿嫂貪慕虛榮,又指全家都不喜歡張韋怡。(IG:@gogocheungcwy)

今年6月尾,張韋怡姑仔潘碧玉在社交網發長文,指名道姓直指阿嫂貪慕虛榮,又指全家都不喜歡張韋怡:「開口埋口都係錢,全身手袋只有一個係真嘅,就係我哥哥送嘅手袋,貪錢嘅程度令人咋舌,你收手啦!你心地太差,呢個就係你永遠坐唔正原因,簡單啲講,冇註冊,係有原因,日日家嘈屋閉喺度講錢,我哋全家都唔鍾意你,全家都被你鬧過,連老人家都唔放過。」同時指控張韋怡騙其父100萬俾囝囝讀書,轉頭用來供自己到北京讀書。

張韋怡入稟高等法院,指姑仔潘碧玉誹謗令其小產。(IG:@gogocheungcwy)

張韋怡9月3日入稟高等法院控告潘碧玉誹謗,指姑仔誹謗言論令佢喺今年7月29日小產,要搬離現居每月花5萬6千元租用尖沙咀服務式住宅,更令佢精神焦慮要睇精神科醫生。入稟狀要求法庭頒下禁制令,禁止被告潘碧玉再發表針對原告的誹謗及不實言論,另要求對方作出賠償,以及要求被告作出書面道歉等。對於入稟一事,張韋怡則回覆稱:「本人張韋怡就早前就「潘碧玉」的誹謗指控,正式入稟高等法院,「以正視聽」,案件編號HCA1500/2020.案件已經進入訴訟程序,本人一切已經交由律師處理,不作評論回應,謝謝關心。」至於丈夫是否知情?張韋怡說:「老公知道,老公亦係我方證人之一。」

張韋怡在個人IG中展示法院文件 。

【案件編號:HCA 1500/20】

+35
你可能感興趣