阿嬌鍾欣潼於廈門發生意外 英皇:佢頭部嚴重受傷

撰文:洪曉璇
出版:更新:

9月7日凌晨2點幾,正在內地拍戲嘅阿嬌鍾欣潼發生意外,《香港01》向阿嬌經理人公司英皇查詢,發言人表示:「阿嬌鍾欣潼身在廈門下榻的酒店房間發生意外,頭部嚴重受傷﹗」

9月7日凌晨2點幾,正在內地拍戲嘅阿嬌鍾欣潼發生意外。(鍾欣潼微博)

阿嬌鍾欣潼頭部受傷入院圖曝光 右邊近眉6cm傷口共縫數十針

正在廈門劇組參與拍攝嘅阿嬌,近日剪去長髮以俐落短髮示人,令大家耳目一新。點知呢日傳出發生意外嘅消息。英皇發言人指:「今日零晨兩點幾,阿嬌鐘欣潼於廈門下榻酒店房間發生意外,頭部嚴重受傷,佢第一時間通知閨蜜祖兒及經理人霍汶希,因為傷勢嚴重,已即時送往廈門大學第一附屬醫院。Mani和祖兒亦馬上乘北京往廈門第一班飛機協助阿嬌,受傷後嘅阿嬌一度堅持要繼續前往劇組拍清晨戲。因為今天拍攝時間朝早六點,亦是最後一日拍攝,唔想耽誤戲組時間,但因傷勢不輕需留醫院觀察,經理人霍汶希亦唔允許佢即時繼續開工,霍汶希及祖兒稍後到醫院了解情況後會再向各界公布。」

阿嬌鍾欣潼最近剪去一頭長髮。(鍾欣潼微博)
+21