張致恒完約邵氏變孤兒仔公開拗撈:兩個仔食奶粉就嚟食窮我
撰文:洪曉璇
出版:更新:
18歲出道,以組合BOYZ成員身份走紅,張致恒出道至今都有好多貴人扶持,由英皇到TVB到邵氏,呢日回復自由身,佢喺社交網呼籲大家有工作記得搵佢:「嚟緊嘅日子我真係唔知應該點樣去行落去。」
剛結婚一周年,育有2個小朋友,Steven入行十多年來縱使多次犯錯,至今才第一次感到咁徬徨:「要一人孤身上路了,從來冇試過冇公司、冇經理人、冇同事喺身邊同我一齊工作, 多謝monica 多謝kenneth 多謝樂小姐 多謝邵氏 咁多位幫我執過手尾嘅人!嚟緊嘅日子我真係唔知應該點樣去行落去( 工作方面), 如果大家有工作想搵我可以隨時inbox我㗎, 最多畀個靚價錢你哋, 兩個仔食奶粉食得好快,就嚟食窮我!」
+11