蔡卓妍傳與百億麻將館太子爺石恆聰分手　阿SA親自回應

阿嬌鍾欣潼於內地受傷，右邊近眉骨位置傷口深至見骨，先後兩次手術縫幾百針。好姐妹蔡卓妍當然非常擔心，但呢日又傳出佢同拍拖3年嘅百億麻將館太子爺石恆聰（Anthony）分手，阿SA於9號早上火速回應。

37歲嘅蔡卓妍，曾與鄭中基秘婚至離婚先公開，之後同陳偉霆拍拖3年，戀情又無疾而終。阿SA與百億麻將館太子爺石恆聰（Anthony）拍拖3年多，早已融入雙方生活圈子，多次傳出結婚消息。呢日有周刊指因為男方未有結婚打算，又有指阿SA越愛越黐身，明明唔鍾意夜蒲都痴實男友落夜場，去年12月馬爾代夫返港後吵大鑊，陷入冷戰期，最終分手收場。報道出咗後不足半日，阿SA回覆傳媒指記者收錯風，無中生有嘅新聞不作回應。