馬德鐘馬在驤父子檔首拍劇:等佢知道爸爸拍劇幾辛苦

撰文:吳子生
出版:更新:
馬德鐘今日同兒子馬在驤出席劇集《我家無難事》記者會,同兒子一齊拍劇,馬神表示自己感覺奇妙亦意想不到。(劉志源攝)

馬德鐘正為《飛虎3》開工,未拍完又要為新劇《我家無難事》出席造型記者會,今次最別地方就是馬德鐘將同兒子馬在驤一齊拍劇,而劇中馬在驤將會飾演馬德鐘的20歲年青版,馬德鐘對於能同兒子一齊拍劇,感覺很奇妙,他說:「好奇怪,有啲嘢好似係安排咗咁,我哋冇鋪過條路要點行,佢自己亦讀緊書,但就係天時地利咁樣發展落嚟,安排係好嘅,佢又咁啱係香港,學到書本外嘅嘢,亦感受到爸爸嘅工作環境係點呢?等佢睇下daddy做嘢係幾辛苦,如果佢有興趣喺呢行嘅,我一定全力支持。」而馬在驤就表示好期待開工:「好在就到我讀書嘅時間,(會唔會冇時間見女友?)佢而家都嚟唔到啦,哈哈。」