陳瀅專釣金龜? 主動出擊追方力申:我成日都溝佢

撰文:
最後更新日期:

陳瀅主動交隻戒指俾方力申,仲想對方為自己戴上,但方力申就好尷尬。(影片截圖)

曾被影到喺酒吧密會的陳瀅同方力申,喺最新一集《Tiger's Talk》中接受伍詠薇、林盛斌訪問,節目中,提到前度太高質會否影響下一段戀情時,伍詠薇非常直接問陳瀅:「其實你眼角係未好高?你係釣金龜?」或者無諗過伍詠薇可以如果直白,所以陳瀅都嚇窒了一下,但仍保持微笑表示:「其實我自己搵到錢嘅。」估唔到伍詠薇並未有因而放棄,繼續問:「搵到錢但鍾意釣金龜?」陳瀅否認之餘,更表示自己過往嘅男友範圍很大,高矮肥瘦、有錢冇錢、有學歷亦有冇學歷。「因為我一直都未清楚自己鍾意點樣嘅一個人,呢個係十幾廿歲時拍拖嘅經歷,到而家都仲未知。」

陳瀅真係好開心喎,飲大咗?(影片截圖)

陳瀅表示一直未搵到啱心水時,方力申問佢會否一直飛人,陳瀅就無奈一笑,並補充表示:「我對上一段關係係被人飛嘅。」陳瀅於2015年時與賭王四房兒子何猷亨,兩人拍拖不足一年便分手,有傳當時係因女方逼婚而鬧分手,然而,兩人再見亦是朋友,陳瀅繼續使用何猷亨專車外,七月時更一連兩日現身靈堂拜祭賭王,難怪會被指復合。之後Bob問到幾位嘉賓心目中可有標準人選時,陳瀅毫不考慮就指住方力申,仲話自己係認真:「我成日都溝佢,你哋唔覺架咩?我覺得佢真係好男仔,好心地就唔講,不過佢除咗好心地我諗唔到啲咩。」

又話自己成日溝方力申。(影片截圖)

之後眾人討論到「一見鍾情」抑或「慢慢發展」時,陳瀅表示以前會拍拖後才知道與對方合拍,但如今自己已經ready結婚,並謂只要遇上自己鍾意會主動出擊。本身坐喺二人中間嘅唐詩詠隨即要求調位,好等陳瀅可以貼住方力申,眼見主持人起哄,陳瀅興奮到主動與方力申合巹交杯,最後仲玩埋拋花球,搞到方力申尷尬非常。

點擊下圖睇陳瀅點講釣金龜

+18
+18
+18


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。