張秀文主持賽馬節目　超低胸短裙一動一驚心

向來唔吝惜自己身材嘅張秀文，曾在劇集《冒險王衛斯理》中除剩Bra被鐵鏈吊起，專業程度一啲都唔講得笑。雖然近年獲安排主持《學是學非》，但受歡迎程度遠遠不及其他是非精，或者係因為咁，所以每次只要有出鏡機會，張秀文都會悉心打扮一番，務必以最佳狀態示人。

點擊下圖睇下有幾一動一驚心

喺「myTV SUPER 18台」嘅全新節目《後生仔傾馬仔》中，黃婉曼既係馬會會員，老公又係馬主，話題自然比較多。本身對賽馬零認識嘅張秀文唯有喺衣著方面花少少心思，一件 deep v 粉藍色tube dress，心口個v低到不能再低，令觀眾眼睛忙得很，因為每當張秀文稍微大動作少少，都擔心佢有走光危機。張秀文接受《香港01》訪問時透露裙係自己準備，並謂：「因為事前唔知係坐梳化，以為同舊年一樣係坐高腳櫈，同埋條裙係tube dress, 唔係deep v。」原來咁都唔算 deep v，真係長知識了。