【有玄就有機】美國大選特朗普連任？ 李丞責預測：好大危險性！
撰文：吳子生
出版：更新：
伍詠薇（伍姑娘）同李丞責師傅今日（28/9）現身電視城出席 myTV SUPER玄學節目《有玄就有機》記者會。伍姑娘就大讚李師傅口才了得，直指鋒利過把牛肉刀，「我同佢做節目嘅時候，以為我會做上把位，點知由第一集做到第十三集做晒下把位，俾師傳𡁻到我應一應，但我覺得好爽嘅，因為佢會一啖砂糖，一啖屎氹番我。」
李師傅預測美國今年新上任總統，要應對種種衝突等問題，會出現危險性。（陳順禎攝）
而李師傅笑指自小睇住伍姑娘長大，「當年睇過伍姑娘喺《失樂園》嘅MV演出，令我泛起做歌手嘅意慾。等咗咁耐終於透過樂小姐（樂易玲）可以同眾人女神伍姑娘合作做節目，真係覺得自己好有福。（美國臨近大選，算唔算到特朗普會否連任？）呢個我覺得《香港01》應該就同我開一個專題嘅，其實今年上任嘅總統到明年之間，應該有個好大嘅危險性，關於衝突同健康嘅問題，所以都需要分析嘅，咁記得01快叫啲搵我啦，五十條線等緊你哋。」
李師傅預測香港明年疫情會有淡化跡象。（陳順禎攝）
+1