被倪晨曦邀傾媽媽經 陳凱琳激罕談餵母乳:10分鐘泵一次泵到頭痛

撰文:黃欣華
出版:更新:

被稱「最美孕婦」的倪晨曦早前就邀請了另一位靚媽陳凱琳(Grace)一齊拍片,分享產後生活。Grace更毫不保留激罕分享自己餵母乳的心得,當中她公開表明湊兩名兒子實在太忙,不可能拍劇!

準媽媽倪晨曦和兩子之母陳凱琳!(IG/@misselvani)

由於倪晨曦是素食者的關係,相當擔心自己沒有足夠母乳。而Grace就表示自己很喜歡喝燕麥奶和杏仁奶,對於上奶相當有幫助:「每一次飲完,我就會Feel到谷奶,同埋燕麥奶係Creamy啲,覺得啲奶質素都幾好,我真係第一次分享呢啲嘢,第一次同大家講谷奶呢樣嘢。」

Grace更講道今胎餵母乳相當有壓力:「我第一胎啲奶都上得幾好,都算多有啲存貨,人就好衰嘅,當你覺得自己OK冇問題,第二次就反而少,都好大壓力,有幾晚都因為呢樣嘢唔瞓,上網搵方法,見到有人話間歇性泵奶,10分鐘泵一次之後休息10分鐘,就泵咗成晚直到第二朝頭痛,為咗想多啲。」

點撃下圖重溫影片內容!

+21

之後,Grace就透露與老公鄭嘉穎傾計,嘉穎表示有就有,冇就冇,點解要咁緊張?此舉令她放鬆不少,之後母乳就充足了。她更多提到嘉穎是個很傳統的Family Man,透露對方覺得人生最幸福就是有一個家庭,更指嘉穎相當照顧自己,變成暖男。而Grace更指自己生完第二胎後,太忙之餘更不希望因為自己私心而忽略他們,所以不能夠拍劇。

重溫Grace結婚幸福畫面!

+31

點撃下圖睇倪晨曦性感孕照!

+53