賴琦媛被拍得同人夫攬腰兼過夜? ：朋友之間有少少身體接觸係可以
撰文：吳子生
出版：更新：
今屆落選港姐賴琦媛（Ivy)在參選期間，一直被指拜金，愛北上夜蒲識富二代，更被傳媒影到將吸食完的煙頭隨處拋棄，負面新聞不斷，最終十二強止步。不過最近Ivy又被指極速戀上內地人夫富貴肥大叔，二人鬼崇中環撐枱腳，飯後雙雙攬到實同車離去，返回男方何民田豪宅。
Ivy默認男方已婚。（葉志明攝）
今晚（5/10）Ivy現身荔枝角出席網台直播節目前，就此事接受《香港01》訪問說：「其實我識咗佢年半時間，因為疫情關係佢喺香港逗留咗一段時間，而我同佢係普通朋友關係，當我睇到呢篇報道之後都笑咗出嚟，當我未了解到佢咁深入嘅時候，居然俾你哋寫晒佢啲嘢出嚟，變咗我即時深入了解咗我朋友。（飯後返咗男方家過夜？）冇啲咁嘅事，話我哋攬到實，只係普通搭吓膊頭啫，跟住坐佢架車係為咗方便，送咗佢返屋企後，我自己跟住搭車走。（攬腰搭膊頭，朋友關係？）其實朋友之間，有少少身體接觸係可以有嘅，但唔好太過火就Ok啦！（會否影響到對方家庭？）我相信唔會，因為我哋係普通朋友關係，仍會保持聯絡，但出門時要小心啲啦！」
Ivy澄清同肥大叔只是普通朋友關係。（葉志明攝）