曾出演韓國實境節目《超人回來了》嘅韓國職業格鬥選手秋成勳，同囡囡秋小愛以及日藉模特兒老婆矢野志保，兩年前曾因家庭教育問題而遭網民炮轟，一家三口隨後移居夏威夷。而矢野志保當時在雜誌受訪時，解釋係因為「子女教育、家庭時間和自我挑戰」。

熱衷瑜伽嘅矢野志保移居夏威夷後，不時在IG分享練習成果，又或是母女嘅生活照，8歲嘅秋小愛一雙長腿格外吸睛。但更令網民讚嘆嘅係一家三口無敵海景豪宅，每次小愛與媽媽一齊喺露台做瑜伽，既有陽光又有綠油油嘅草地、海景，真係令人十分妒忌。

其實秋小愛嘅豪宅鄰近遊客必到嘅Ala Moana Regional Park，屬於該區嘅低密度住宅，2017年才正式落成，十分新淨。由地產網站顯示，屋苑嘅一房單位約為170萬美元，而秋小愛住嘅三房單位，面積2596呎，售價約為700萬美元。而同屋苑嘅頂層四房4千呎單位，售價為1274萬美元。豪宅賣點之一除無敵大海景外，24小時嘅私人酒吧、泳池、健身設備、甚至係旁邊嘅購物中心亦十分吸引。

點擊下圖睇埋屋苑其他豪宅。