方媛拍片曬舞技遭網友劣評 獲郭富城力撐有天份：都要俾啲鼓勵㗎
撰文：吳子生
出版：更新：
早前「天王嫂」方媛（Moka）背住素有「舞台王者」之稱的老公郭富城秘密學跳舞幾個月，其後更在抖音拍片公開獻技。不過大部份內地網民睇過段片後，對她舞姿劣評如潮，直指她手腳極不協調，有如「四支沒有商量，手腳各有各跳」。
今日（16/10）郭富城（Aaron）現身柴灣出席活動時，公開力撐太太方媛跳舞甚有天份，「其實佢跳完都有拍片俾過我睇，好老實佢拍片俾我睇做乜，咪又係想我睇，咁你都要俾返啲鼓勵佢㗎，唔係拍嚟做乜。（點俾鼓勵先？）梗係Very Good啦！」
被問到太太點解唔跟你學跳舞？Aaron笑言：「我唔使做嘢咩！我唔使拍戲咩！反而我覺得太太唔想騷擾我工作，係因為佢知我拍戲要熟讀劇本又要思考，所以佢唔會騷擾我。」
郭富城大讚太太方媛甚有跳舞天份。（葉志明攝）
+1
【木棘証人】羅仲謙預告太太楊怡強勢回歸幕前：佢下半年復出【木棘証人】韋家雄苦等25年首擔正做男二：只係通告密啲咁解！【木棘証人】羅仲謙開機前講無聊笑話打亂情緒 張秀文：反佢白眼【C9特工】高海寧瞓身演出 導致椎間盤移位：企得耐會痛！