木棘証人|韋家雄曾得秋生提點放棄做「傻仔」:演員係被動嘅

撰文:
最後更新日期:

韋家雄自1989年成為亞洲電視演員,直至1995年轉投無綫電視(TVB),再到2020年參演劇集《木棘証人》,入行足足31年才擔正做男主角!問到做男二的感受,他只是笑着回答:「我冇諗男一男二男三呢個問題,只係通告密啲咁解啫,不過呢個角色就好大發揮。」

韋家雄終於做男二。(《木棘証人》劇照)

默默耕耘了超過30年,他在2015年憑着《梟雄》中的「麥瀚林」一角奪得TVB的「最佳男配角」,不過得獎後他亦十分謙虛:「冇秋生哥,我一定攞唔到這個獎!」他接受《香港01》訪問說:「跟秋生哥拍《梟雄》時,佢提醒過我,唔好收埋收埋咁,要放出嚟演戲:『你千祈唔好做傻仔呀!』作為在一個梟雄身邊的頭號手下,一定係一個很醒目的人,而唔會係一名傻仔。佢嘅說話,對我日後演出任何一個角色都很有幫助。」

韋家雄得獎後感謝黃秋生。(《梟雄》劇照)

韋家雄做公公角色。(《宮心計2之深宮計》截圖)

自始韋家雄的戲路就起了一點點變化,在原本贛直帶點傻氣的角色形象之上,還加添了幾分硬朗的感覺,例如《降魔的》中的「嘟嘟 Sir」,看上去就不會那麼「贛居」,而且帶幾分正氣。他說:「就算同一類型嘅角色,都應用唔同方式去演繹,和創造每一個人物。」

韋家雄通常都是飾演配角。(《牛下女高音》劇照)

成為「最佳男配角」後,他並沒有因此而停下腳步:「想試吓做導演同創作劇本,但係都要一步一步嚟做,嚟緊未諗過攞獎嘅事,演好每一個角色,得到觀眾嘅讚賞就係最好嘅獎狀。」《木棘証人》之中又再飾演「傻仔」,會不會覺得戲路局限?他回答:「演員係被動嘅,人哋印象中嘅你係咩類型,就會搵你演呢類型角色,如果自己有變化,就會有唔同類型嘅角色畀你。」

韋家雄曾經與拍檔合夥 LED燈飾生意。(韋家雄微博)

韋家雄在入行前曾任廣告攝影師,2007年更與一名拍檔合夥做 LED燈飾生意,當時生意愈做愈大, 就連IFC倒數、2008年北京奧運、2010年的上海世博法國館時裝騷都有其客戶。提起昔日的生意,他就十分謙虛:「都係一個工程咁做,負責買燈具畀佢哋,我喺2008-2009年做過 LED倒數和世博的法國館 LED,呢啲都只是小生意,生意額也不大記得清楚。」可惜好景不常,2011年東日本大震災令他同時失去了日籍拍檔與設在當地的廠房,更欠下一身債務。幸好,他靠着自身毅力,連搬運工作也做,才慢慢將債務還清,他現在的成就,其實得來不易。

+2
+2
+2


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。