錢國偉病逝|重溫《美女廚房》經典 G.E.M.廚藝現場觀眾都頂唔順

撰文:黃梓恒
出版:更新:

前無綫(TVB)監製錢國偉今日(27/10)病逝,終年58歲。據了解,錢國偉年多前知道自己患病後一直低調求醫,甚至老友鄭伊健、陳小春開騷找他做監製,錢國偉都一律推辭。

錢國偉監製頭兩輯的《美女廚房》由鄭中基、方力申和梁漢文做主持實在太成功,加上一班星級嘉賓完全可以說是豁了出去,所以出來的效果相當之好,而且相當搞笑,製造了不少經典畫面。

當年嘅《美女廚房》真係好好笑。(網上圖片)

當中最經典的,相信問十個人,九個都會答你:「啲奶假㗎!」究竟咩事?事緣有一集,方力申試食後,就同嘉賓(組合freeze)講:「真係好咸喎」,點知佢哋竟然覆返小方:「咪似你囉」,嘩!真係話中有話。不過小方都絕對唔係省油的燈,當要試下一味「炸牛奶」的時候,大大聲拋低一句:「啲奶假㗎!」更拒絕試食,明顯亦是話中有話,成為成個節目最經典的一部分。

錢國偉曾力撐最新一輯《美女廚房》:節目唔係一嚟就驚天動地

當被人話咸時,你睇佢哋個樣。(網上圖片)

除此之外,當然唔可以唔提地獄廚神吳雨霏,佢除了廚技夠地獄之外,連煮條魚都可以搞到火災成禍,仲要出動保安人員用滅火筒救火,都算係節目嘅經典畫面。之後佢仲有機會再上節目,當時要整瀨尿蝦,結果佢就拎兩袋冰出嚟敷住佢當刺身,真係嚇死街坊。

佢條魚...(網上圖片)

講到地獄廚神,又點可以唔提當時仲相當清純兼未著皮褲的鄧紫棋G.E.M.呢。除咗賣相已經夠嘔心,當現場觀眾試食之後,仲即刻忍唔住要衝去廁所,成為一幕相當經典的畫面。而當梁漢文試食的時候,佢一路講嘢一講嘔返啲食物出嚟,雖然場面嘔心,但相當搞笑。

當時個樣好似順眼啲。(網上圖片)
+6

除咗一啲搞笑位,其實都有啲sweet位,就係當時應該係拍緊拖嘅方力申同Stephy同場演出,而小方更加好落加咁幫手,仲扮晒公正俾高分。

可能喺屋企都係咁。(網上圖片)
+2

《美女廚房》經典相:

+16