馮盈盈富貴狂曬Hermès包包 拼色Kelly Bag原來係VIP專屬?

撰文:鄺鈺瑩
出版:更新:
馮盈盈日前在IG Story分享衣著打扮,桃紅色Balenciaga cap碓係好襯個Hermès Kelly,再加埋纖腰上嘅Fendi真絲綁帶,富貴又青春。(ig截圖)

前港姐蔡嘉欣(Kayan C)曾拍片公開家中嘅名牌手袋櫃,當中不乏Chanel同Hermès,加加埋埋隨時夠俾首期。同樣係港姐出身、兼且係冠軍人馬嘅馮盈盈,日前她在IG Story上分享自己嘅打扮,雖然纖腰吸晴,但都不及身上嘅雙色Hermès Kelly搶鏡,事關該品牌嘅所有拼色袋款全部都需要訂製,並且只接受VIP嘅訂單,絕對係身份嘅象徵。價錢方面,據名牌手袋網站顯示,盈盈身上呢款Kelly bag訂製價約為20萬港元。

點擊下圖睇盈盈到底有幾多個Hermès

+21

盈盈曾在節目上透露,18歲生日時收到爸爸所送嘅Hermès Picotin Lock Bag,原因係想佢有品味啲同學識欣賞靚嘢。非常聽爸爸話嘅盈盈,自此走上Hermès之路,2016年港姐面試當日,拎住紫色Garden Party到場嘅佢,即時成為焦點,而之後盈盈亦曾被影到拎住約3萬多元嘅紅色Garden Party行街。

港姐面試,拎Hermès突顯身價。(資料圖片)

今年2月,盈盈同麥玲玲打孖出席樂易玲飯局,鮮紅色嘅Constance Bag比麥玲玲手上嘅鳄魚皮Birkin更為搶鏡。Constance嘅官方價約為6萬多港元,代購價由9萬多元起跳。唔少女士都喜歡Constance,事關比較易襯衫。同年7月,盈盈出席樂易玲生日會,離場時雖然醉到腳步浮浮,但依然記得攬實價值約6萬多元嘅Hermès Lindy上車走人。入行4年多,盈盈被公司力捧,劇集、綜藝樣樣都有份,加上代言活動,吸金力驚人,難怪Hermès次次唔同款。

盈盈近來不時在IG分享打扮,但就從未拎過Hermès。識得曬,一定係用限時動態。。(crystalfyy@IG圖片)

點擊更多睇馮盈盈靚相:

+27