Coffee親解YouTube廣告每月淨賺8萬? 「我重質不重量」

撰文:鄺鈺瑩
出版:更新:
Coffee表示YouTube的收入只能夠當作底薪,網站NoxInfluencer推算出來的8.8萬元,她表示要出片好勤力 ,而且有高點擊率才可以。(ig圖片)

近年轉戰YouTube嘅香港藝人愈來愈多,事關吸人氣之餘,亦有傳收入十分可觀。網站NoxInfluencer能夠分析YouTube頻道的廣告價值,經推算後,頻道有125萬訂閱人數嘅Coffee(林芊妤)單月YouTube廣告收入約為8.8萬元,到底屬真屬假?

Coffee接受《香港01》訪問時表示YouTube廣告收入最多一次有10幾萬,但她認為不能作準。「因為我啲係運動片,唔想啲訂閱者做做下會有廣告出現,所以我係特意剔走任何廣告。曾經都有人話我咁做好唔理智,但我都講過我拍片唔係為賺錢,而係為咗分享,希望大家可以健康地瘦身。」

YouTuber收入真係咁可觀?

Coffee又謂YouTuber之所以予人收入可觀,絕大部分都係因為影片中有植入式廣告。「我都見過有啲YouTuber自從影片加入植入式廣告之後,就會變成重量不重質,我自己唔想,所以我啲片都唔算出得好頻密,唔想內容太過重複,老土啲講要對訂閱者負責。同埋我將自己當中一個brand咁,都想做得長遠啲。」Coffee又表示近日獲日式雜貨連鎖店邀請到將軍澳新店拍片,此類工作遠比YouTube廣告收入可觀。「本身其實係搵我一個,但因為我成日都個囝一齊,所以帶埋佢去,寓工作於娛樂。」

Coffee獲邀到Donki拍片,原來係一人價錢二人同行。「呢啲job(收入)仲好過YT拍片。」

另外,提到早前成立的瑜伽服品牌Coffee Sweat,本來冇打算租鋪嘅Coffee,原來已密密睇鋪。「想租個地方擺貨同pack 貨,有諗過租倉或者show room,可以教埋瑜伽,但都睇唔啱,唔係太細就係太大,想喺觀塘,但呢區都幾塞車,所以都要繼續再搵。」

為怕屋企再變貨倉 , Coffee決定租鋪。(IG圖片)
Coffee為了瑜伽服品牌而四出睇鋪,不過暫時仲未搵到心水店。(影片截圖)
發表評論...