【無綫台慶】《城寨》夏滿哥21點中100萬 李嘉：我一蚊都未賭過
撰文：林通賢
出版：更新：
李嘉表示中獎一刻，感到全身發滾，要除衫慶祝。
李嘉不懂玩21點，但今晚靠21點贏終極大獎。
全晚高潮一定係壓軸大抽獎，結果100萬獎金、獎品由回巢2年的李嘉奪得，原來他從未賭過錢，亦覺得自己一直冇橫財運，他說：「我去過賭場，去過好多次，因為啲鮮奶任飲，但我一蚊都未賭過，我好似連抽獎都未中過架。」他表示中獎，腦海一片空白，他說：「其實我唔識玩21點，連black jack係咩都唔知，第一隻攞煙，我知呢隻好大喎，跟住望到江欣燕攞兩隻公仔，我心諗都好大喎，跟住到我一揭又係女，哦，原來係傳說中嘅21點，我從未玩過21點架，因為我計數差。」
李嘉將會有8000蚊現金，21萬上商銀行簽帳額，20萬儲蓄，再加獎品，總值100萬。但他暫時只想出書，他說：「買樓應該唔夠啦，居住問題我唔駛擔心住，所以希望用啲錢，可能係出書啦，講返咁多年武術上嘅心得，（攞啲錢再搏多鋪？）我唔會，我從來唔賭錢，好多嘢都係整定，係你就係你，如果唔係你點搏都無用。」