【無綫台慶】陳凱琳講錯奮不顧身做粉身碎骨：預咗畀網民笑
撰文：郭敏玲
出版：更新：
陳凱琳中文不太好，講錯說話都不知道。（黃國立攝）
陳凱琳今晚為台慶擔任主持，期間發生了一件「蝦碌」事，就是將其中一句台詞：「所以TVB每一個藝人都是奮不顧身。」的「奮不顧身」講成「粉身碎骨」，而身旁的Do姐鄭裕玲當時依然保持鎮定，讓整件事變得很自然。
事後陳凱琳表示擔任主持並不緊張，講「粉身碎骨」的時候，她不知自己出錯：「我當時一直都以為自己無錯。（因為稿寫住英文拼音？）係呀，所以無為意，講完之後Do姐都有講呢件事。我一直多數睇開英文，中文真係麻麻地，都預咗網民會笑我，但希望大家原諒我。」
至於「福祿壽講呢啲」環節，陳凱琳都被擺上檯，大講她男友鄭嘉穎及《巨輪2》不倫場面，陳凱琳表示不介意：「我綵排的時候都聽到，覺得台慶節目，大家覺得開心就無所謂，佢哋都有話唔好意思，我都話明嘅，唔使驚啦，都覺得幾得意吖。」
陳凱琳希望大家原諒她中文不好。（黃國立攝）