【致命復活.劇透】萬綺雯驚變深山野人 郭晉安搵兇手掟人落街 

撰文:
最後更新日期:

由3屆視帝郭晉安、凍齡人妻萬綺雯、還有今屆視帝大熱之一的王浩信主演台慶劇《致命復活》,劇名如此充滿緊張感,真係未出街先興奮。劇集昨晚終於首播,播足兩個鐘,作為整套劇的序章,看似有晒鋪排,先講返郭晉安、王浩信與陳庭欣10年前到越南公幹,殊不知三人齊齊被綁架,王浩信有幸逃脫,剩下郭晉安同陳庭欣流浪荒島。之後......無錯,又係強姦!飾演郭晉安下屬的陳庭欣第一集就難逃一死,一秒被姦兼被秒殺,認真慘慘豬。劇集出街之後,有網民就推測此劇疑似會舊酒新瓶,有機會變成《與敵同行3》,買晒大細咁估第幾集就會有3角戀咁話。

見到萬綺雯呢個野人look,真係有少少出奇,唔通佢又畀人綁架?

不過,劇情呢家嘢,次次估得中?就係搵次要你估唔中。接下來的劇情,驚見飾演郭晉安老婆的萬綺雯野人look出現,但原來萬綺雯在往後劇情逐漸暴露真本性,名符其實是成魔之路的戲碼,演這個角色,甚為有挑戰性,所以萬綺雯呢個look一出,令劇情更加曲折離奇、出其不意,實為此劇的最大新意。

至於郭晉安被困荒島足足10年,成功逃脫之後,無端端白白浪費10年時間,緊接下來的就是找出兇手,100%係復仇記。復仇到中途與張國強傾傾下數,意圖或企圖掟對方落街,張國強最終要坐輪椅。唔通代表張國強就係幕後黑手?劇透就唔會啦,就睇下TVB今次有無大突破!

收視方面,《致命復活》連播第一及第二集,錄得平均收視21.1點(近137萬觀眾收看),最高有24點(逾155萬觀眾收看),在星期日首播來說,都算不錯了。

郭晉安似乎同張國強傾緊數喎!

郭晉安掟張國強落街,好刺激。

後來張國強坐輪椅......難道真係被掟落街?



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。