蘇玉華返無綫拍劇好激情　跟張達倫私奔：有擁吻場面

黃浩然、蘇玉華、陳凱琳、朱晨麗、龔嘉欣等為新劇《平安谷．逐個捉》出席造型記者會。蘇玉華上次拍TVB劇是2015年的《梟雄》，近期她又專注舞台劇及電影，今次回到TVB，源於劇集背景很吸引，「我好鐘意民初呢個年代，上一次拍呢個年代係《茶是故鄉濃》，都十幾年啦，係我喺TVB最鐘意嘅戲嚟。」

蘇玉華表示在新劇會有激情戲，「戲會講到我同張達倫私奔，除咗喊戲，之後都會有擁吻的場面。不過我上個月拍電影，同李思捷有床上戲，講到我色誘佢。」至於拍激情戲要唔要同男友潘燦良備案？她說：「點解要備案？都係做嘢啫。」

朱晨麗今次就飾演劉江的二太太，戲中要彈琵琶唱歌。最近有報導指她與退休高官葉澍堃兒子葉瀚華來往甚麼，疑似撻著。朱晨麗對此否認：「我同佢其實識咗好耐，就唔係報導講識咗半年咁簡單，因為佢間餐廳我都有份夾，所以係朋友兼partner。」因此朱晨麗有時間都會到餐廳打點，她笑言報導出街後，男方都有告知她，她希望大家不要猜測，「我同佢只係朋友，唔想因為報導自斷米路，我仲想搵對象㗎！」提到她的畫廊開張，葉瀚華都有到場打點，朱晨麗就話：「我有好多朋友都有嚟，唔覺佢有幫手招呼囉！真係無大家諗嘅咁。