【幕後玩家】黃宗澤為錢奸到盡:30幾歲人仲做偶像派咩?

撰文:
最後更新日期:

歌仔都有得唱:「難為正邪定分界」,這個世界並沒有絕對的好人、壞人,一體總有兩面。不過,黃宗澤(Bosco)大反其道地話你知,總有人為某些東西而去到好盡,甚至拋下情感倫理,這就是現實世界。

攝影:符祥定

髮型: Jun Choy @HH hair.nail

化妝 : Miko Wong @Cyrus Lee Team

造型 : queenieyu

服裝: 十舍 @ 10thshop.com

《幕後玩家》快將入戲肉,Bosco所演的角色接下來也會盡顯人性。

點解咁講,說的就是黃宗澤在《幕後玩家》所飾演的秦昇海Sheldon,這個角色是Bosco奸得最盡的角色,正當以為他為母親失聲痛哭,還有幾分親情,但原來最終他還是為了利益,放棄身邊所有。Bosco初時見到劇本,都疑惑:「係咪真係咁寫呀?」誰知監製陳維冠聽罷淡淡然表示:「你唔係覺得世界上無呢啲人呀嘛?只係大家嘅道德觀,唔想去提,但確實有存在。」這套劇重點是人性,所以Bosco今次奸到盡,他坦言最難放低所有包袱,但無辦法:「唔好擔心觀眾憎你,就係要佢哋憎,憎就啱啦。」

黃宗澤飾演的Seldon,與劉佩玥飾演的Emma所產生的婚外情,早前引起了熱議。

黃宗澤過去所做的角色,有忠有奸,大多都獲得好評。至於獎項?他看得很輕,有人讚賞仲開心。

《幕後玩家》的Sheldon為錢甚麼都不要,盡顯人性的貪婪。現實中,Bosco也遇上過類似的「最佳損友」,「試過有識咗好耐嘅朋友,因為錢銀而絕交,我相信好多人都會試過,其實係肉赤嘅,咁多年好朋友,但發現為錢銀係可以咁樣,咁咪唔做朋友囉。細個會覺得都冇乜嘢呀,大個就會諗返,盡量都唔去接觸呢啲人。」成世人流流長,的確有些時候,係要交下學費。

不再做偶像派要磨鍊演技

Bosco今次奸到盡,相信觀眾都會好期待,但過去他所演出的角色,如《潛行狙撃》的跛Co、《點金聖手》的卓彧,還有《好心作怪》的孖生兄弟等,演技備受好評。在TVB工作了十多年的Bosco,又會否想有獎在手?誰知他笑說:「講真30幾歲人仲做偶像派為咩先?始終要磨鍊下演技。」、「齋型齋靚做唔到好耐㗎!」比起在台上得獎講感受,Bosco最想有血肉之軀親自讚他演技好,「拎咗個獎,就會有人話唔知係咪因為約滿,畀個獎你。個獎唔係nothing,都有意義係度,但親口同我講好戲,仲好。」

【幕後玩家】龔嘉欣遇小三爆喊 親身經歷特別投入:全部真眼淚

【幕後玩家.劇透】黃宗澤利慾薰心害死陸永 搶人妻黃翠如正人渣 

相信昨晚大家在《幕後玩家》看到正印Carman得知Sheldon有外遇之後,聲嘶力竭的一幕,有不少人看到都很心痛。

離巢?保持神秘

提起約滿,近來一直有消息指Bosco快將約滿離巢,積極在內地發展。孰真孰假?Bosco沒有正面回應,他最希望與TVB未來都能夠保持良好關係,就算離開,依然會有合作,「第一份工到而家十年,係佢(TVB)養大我,無TVB都無今日。」內地工作價錢吸引,但Bosco明白兩地市場不同,而每次離開香港,都讓他意識到不能100%在內地工作,「先唔好講係TVB,始終我係香港大,所有朋友、屋企人係香港,叫我掟低晒離開,真係唔得。」

黃宗澤工作檔期排得很滿,問到會否再唱歌?他表示無端端整首歌都唔出奇,看的是機會。

不日出新歌搞氣氛

除了演戲,相信大家對Bosco的印象,還有唱歌,間中會聽聽他的歌。Bosco就講起他在內地遇上陳偉霆的趣事,「佢都好忙,不停拍戲,無啦啦走去拍MV唱歌咁辛苦,點知佢答我:『就係無端端先整一首!唱歌梗係無端端㗎啦!』我聽落又覺得幾有道理喎!」那是否代表Bosco會再戰歌壇?他表示:「無所謂,但大家清楚我都係玩下氣氛,high下,如果要聽歌藝,梗係聽李克勤同容祖兒啦,唔通我仲冧滋滋同你唱情歌咩!」

拍戲、唱歌同做生意,Bosco都已經試過,但他不願意停下來,少去刻意想起感情事,就算身邊好友位位已成家立室,都沒有太大意欲去計劃何時有人生大事。「一來我係工作狂,二來呢行嘅天敵係時間,女仔會好易無安全感。」工作狂的程度,Bosco形容兩星期沒工作就會坐立不安。雖然他坦言工作時難免會有寂寞時候,想有人陪,但態度還是隨緣,「可能一年後遇到個好啱嘅,無端端結婚都唔定架,但而家無諗啦。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。